Хитойда 33 мингта янги коронавирус инфекцияси юқтириш ҳолати аниқланди

BEIJING. Kazinform - Ўтган сутка давомида материк Хитойда CОVID-19 инфекцияси юқтиришнинг 32 943 та янги ҳолати аниқланди. Бу ҳақда Kazinform мухбири Хитой Халқ Республикаси Соғлиқни сақлаш давлат қўмитасининг жума куни эълон қилинган маълумотларига таяниб хабар беради.

Коронавируснинг янги ҳолатлари орасида 29 840 нафари асемптоматик ташувчилардир. Коронавирус касаллиги 3103 кишида тасдиқланган.

Сўнгги кунларда Гуандун, Хэбэй провинцияларида, шунингдек, марказий Чунцин ва Пекин шаҳарларида инфекция юқтиришнинг катта ўсиши кузатилди.

Хитой пойтахти ҳукумати аҳолидан оғир эпидемиологик вазият туфайли ўта зарурат бўлмаса, уйларини тарк этмасликни сўрамоқда. Ноябр ойи бошидан бери Пекинда 10 мингдан ортиқ коронавирус билан касалланганлар аниқланган.

Ноябр ойидан бошлаб Хитойнинг деярли барча ҳудудларида коронавирус тарқалишининг тезлашиши ва ортиши қайд этилди.

Материк Хитойда иккинчи кун кетма-кет коронавирус ҳолатларининг максимал ўсиши янгиланмоқда. 24 ноябр, пайшанба куни мамлакатда 31 мингдан ортиқ CОVID-19 инфекцияси юқтириш ҳолати қайд этилди.

Фото: russian.news.cn

Фото: Руслан Сулейменов