Хитойда 2 миллионга яқин одам қурғоқчиликдан азият чекмоқда

PEKIN. Xinxua - Kazinform - Хитойнинг бир қанча минтақаларида июл ойидан буён 2 миллионга яқин одам кучли қурғоқчиликдан жабр кўрди, деб хабар бермоқда Kazinform Синьхуа агентлигига таяниб.

Цзянси провинциясида (Шарқий Хитой) июл ойи ўрталаридан бери кучли қурғоқчилик 1,38 миллиондан ортиқ кишига зарар етказди. Хитойнинг ушбу провинциясининг турли ҳудудларида 11 мингга яқин киши ичимлик суви тақчиллигидан азият чекмоқда. Сешанба куни Цзянси провинциясида иссиқлик хавфининг энг юқори қизил даражаси қайд этилди.

Шу билан бирга, Чунцин шаҳрида (жануби-ғарбий Хитой) қурғоқчиликдан 600 мингдан ортиқ киши жабр кўрди. Душанба куни шаҳарнинг сув тошқини ва қурғоқчиликка қарши кураш бўйича штаб-квартираси пойтахтнинг бир нечта туманларида фавқулодда чоралар кўришнинг тўқ сариқ даражаси ҳақида эълон қилди.

Хитойнинг ушбу маъмурий-ҳудудий бирликларида қурғоқчилик қишлоқ хўжалиги маҳсулотларига жиддий зарар етказди. Хитой ҳукумати мамлакат ҳудудларидаги қурғоқчилик оқибатларини бартараф этиш учун 30 миллион АҚШ долларига яқин маблағ ажратди.

Фото: AFP PHOTO