Хитой ҳукумати Олимпиада иштирокчиларига коронавирус билан боғлиқ талабларни енгиллаштирди
25 Январь 17:29

Хитой ҳукумати Олимпиада иштирокчиларига коронавирус билан боғлиқ талабларни енгиллаштирди

PEKIN. Kazinform – Пекиндаги Қишки Олимпия ўйинлари ташкилий қўмитаси коронавирус билан боғлиқ қўйиладиган талабларни иштирокчиларга енгиллаштирди. Бу ҳақда Халқаро олимпия қўмитаси (ХОҚ) маълум қилди, деб хабар беради Kazinform.

ХОҚ маълумотларига кўра, ПЗР тести вирусни аниқлаш учун кетадиган вақтни қисқартиради ва «яқин алоқа» даврини 14 кундан 7 кунгача қисқартиради. Вирус аниқланган одамлар махсус ажратилган «изоляторлар»да карантинга олинади. 10 кунлик карантиндан сўнг, уларда КВИ белгилари бўлмаса ва ПЗР тести кетма-кет уч кун давомида манфий натижани кўрсатса, улар олдиндан брон қилинган жойларга жойлаштирилиши мумкин.

«Ўзгартиришлар (2022 йилги Олимпия ўйинларида коронавирусга қарши кураш қоидалари) дарҳол кучга киради. Улар ҳозирги вазиятга мослаштирилган ва Олимпиада иштирокчиларини қўллаб-қувватлаш учун мўлжалланган», - дейилади ХОҚ хабарида.

Коронавирус ташхиси қўйилган иштирокчилар учун «Пекин 2022» ташкилий қўмитаси ХОҚ билан биргаликда уларга имкон қадар тезроқ уйга қайтиш имконини берувчи алоҳида чораларни кўриб чиқмоқда. Улар шахсан эълон қилинади.

«Пекин-2022» ташкилий қўмитаси ўйинларга ташриф буюрган спортчилар, расмийлар ва манфаатдор томонлар орасида вирусни юқтирганлар сони бўйича статистик маълумотларни йиғишни бошлади. 24 январ ҳолатига кўра, коронавирус юқтирганлар сони 78 нафарга етди.

Хитой ОАВ хабарига кўра, Қозоғистон терма жамоаси 27 январ куни Пекинга учиб кетади. XXIV Қишки Олимпия ўйинлари Пекинда 2022 йил 4-20 январ кунлари бўлиб ўтади.

Янгиликлар

Архив