Хитой 15 мартдан бошлаб Қозоғистонга туристик саёҳатларини тиклайди
«2023 йилнинг 15 мартидан бошлаб бутун мамлакат бўйлаб туристик агентликлари ва онлайн-компаниялари экспериментал асосда Хитой фуқаролари учун баъзи мамлакатларга гуруҳли саёҳатлар ва «авиачипталар + меҳмонхона» хизматларини ташкил қилишни қайта бошлайди», - дейилади ХХР Маданият ва туризм вазирлиги баёнотида.
Бу рўйхатга Қозоғистондан ташқари Непал, Бруней, Вьетнам, Мўғулистон, Эрон, Иордания, Танзания, Намибия, Ўзбекистон, Грузия, Озарбайжон, Арманистон, Сербия, Хорватия, Франция, Греция, Испания, Исландия, Италия, Дания, Португалия, Словения, Бразилия, Чили, Уругвай ва бошқа бир қатор давлатлар киритилган.
2023 йилнинг 8 январида Хитой ҳукумати юқумли касалликлар рейтингида COVID-19 таснифини «А» тоифасидан «Б» тоифасига туширди ва Хитойдан бошқа мамлакатларга саёҳатни босқичма-босқич тиклай бошлади. Хитой фуқароларининг хорижга чиқиш паспортини олиш учун аризаларини қабул қилиш ва кўриб чиқиш тартиблари тикланди.
Хитой статистикасига кўра, 2019 йилнинг биринчи ярмида хитойлик сайёҳлар хорижда 1127,5 миллиард доллар сарфлаган. Америка қитъаси 24 фоиз билан иккинчи, Европа 13 фоиз билан учинчи ўринда туради.