Хавфли ҳайдовчи яқинлашаётгани ҳақида хабар берувчи илова Қозоғистон полициясига катта ёрдам бермоқда

ASTANA. Kazinform – Қозоғистонда «Ҳимоя» иловаси туфайли ҳайдовчилик ҳуқуқидан маҳрум бўлган 2285 нафар ҳайдовчи тўхтатилди. Бу ҳақда Қозоғистон Республикаси ИИВ матбуот хизмати вакили Шуғила Турлибек маълум қилди, дея хабар беради Kazinform мухбири.

«ҚР Ички ишлар вазирлиги томонидан ишлаб чиқилган «Ҳимоя» иловаси полициячига йўл ҳаракати қоидаларини бузишни одат қилганларни аниқлаш имконини беради. Кўча камералари маълумотларини таҳлил қилувчи дастур яқин атрофдаги полициячининг планшетига хавфли ҳайдовчи яқинлашаётгани ҳақида огоҳлантириш юборади. У йўл ҳаракати қоидаларини қасддан бузувчи ёки автомобилни катта тезликда бошқараётган ҳайдовчи бўлиши мумкин»

, — деди Шуғила Турлибек.

Унинг сўзларига кўра, ушбу лойиҳа ҳозирда Астана, Алмати, Чимкент, Ўскемен, Атирау ва Туркистон шаҳарларида амалга оширилмоқда.

«Мазкур ҳудудларда 1000 дан ортиқ автомашиналар жарима майдончасига олиб кетилди, 13,5 минг ҳайдовчининг давлат рақам белгилари олиб қўйилди. Сохта давлат рақамларидан фойдаланилган 726 та ҳолат аниқланди. Ҳайдовчилик ҳуқуқига эга бўлмаган ёки илгари бундай ҳуқуқдан маҳрум бўлган 2285 нафар ҳайдовчи ҳибсга олинди»

, — деди у.

Муаллиф: Марлан Жиембай