Халқаро болаларни ҳимоя қилиш куни муносабати билан «Ақорда» қароргоҳига экскурсия ташкил этилди

ASTANA. Kazinform – 1 июнь – Халқаро болаларни ҳимоя қилиш куни муносабати билан «Ақорда» қароргоҳида Қозоғистоннинг барча вилоятларидан келган 70 нафарга яқин ўқувчилар учун экскурсия ташкил этилди, дея хабар беради Kazinform Ақорда матбуот хизматига таяниб.

Улар орасида халқаро ва республика олимпиадалари ғолиблари ва аълочилар ҳам бор.

Ушбу тадбир доирасида талабалар қароргоҳнинг биринчи қаватидаги Марказий тантаналар зали ва расмий қабуллар ўтказиладиган «Салтанат» зали, «Шығыс», «Мрамор», «Алтын», «Доғал» ва турли йиғилишлар бўлиб ўтадиган, шунингдек бошқа музокаралар залларига, кутубхонага ташриф буюрди.

Бундан ташқари, ўқувчилар мамлакатнинг бош биноси ҳақидаги қизиқарли фактлар билан танишди.