Хўжа Аҳмад Яссавий ҳақидаги турк телесериали Қозоғистонда намойиш этилади

NUR-SULTAN. Kazinform – Хўжа Аҳмад Яссавий ҳақида Туркияда суратга олинган телесериал яқин келажакда Қозоғистонда намойиш этилади. ҚР Ахборот ва жамиятни ривожланиш вазири Аида Балаеванинг Туркияга иш сафари чоғида ушбу келишувга эришилди, деб хабар беради Kazinform.

Эслатиб ўтамиз, Хўжа Аҳмад Яссавий ҳаёти ҳақидаги телесериал премьераси Қозоғистон ва Туркияда бир вақтнинг ўзида бўлиб ўтиши режалаштирилган. Туркия томонидан суратга олинган ушбу сериали «Мавера» деб номланган. «Мавера» (араб тилида «мавжуд дунёнинг кўринмас қирралари») - ушбу сўз қадимги Усмонли тилида ишлатилган. Қозоқ тилига «сирли дунё», «қарама-қарши томон», «бошқа дунё» деб таржима қилиниши мумкин. Режиссор Йуджел Худавердининг ушбу фильми жуда жозибали ва қизиқарли ҳикояларга бой. Ясавий ҳақидаги телесериал турклар томонидан янги форматда суратга олинган. Унда Хўжа Аҳмад ҳаётининг тобора кўпроқ номаълум томонлари, кенг омма учун номаълум бўлган давр тасвирланган.

Шунинг учун ушбу телесериал қозоғистонлик томошабинлар учун ҳам катта қизиқиш уйғотиши керак.