Гватемалада концерт чоғида 9 киши ҳалок бўлди

GUATEMALA. Kazinform - Гватемаладаги концерт вақтида юзага келган тиқилинч оқибатида 9 киши ҳалок бўлди, 20 киши жароҳатланди, деб хабар бермоқда Kazinform ABC Newsга таяниб.

Ҳодиса Кецалтенанго шаҳрида Гватемала мустақиллигининг 201 йиллигини нишонлаш вақтида юз берди.

Гватемаланинг Bohemia Suburbana рок гуруҳи чиқиш қилгандан сўнг, минглаб томошабинлар кетишга, бошқалари эса киришга ҳаракат қилишди. Натижада катта тирбандлик юзага келган. Қолаверса, ёмғир туфайли майдон лой бўлиб, кўп одамлар йиқилиб, бир-бирини босиб кетган.

Ижтимоий тармоқларда тарқалаётган видеода ўнлаб одамлар тўпланиб турганини кўриш мумкин. Йиқилганларни қутқариш учун четга чиқаришга чақирувчи ҳайқириқ эшитилади.

Кецалтенанго мери Амилкар Риваснинг айтишича, расмийлар тадбирга рухсат берган, бироқ тадбир ташкилотчилари хавфсизлик ва оломон назоратини мувофиқлаштира олмаган, натижада қурбонлар бўлган.

Фото: apnews.com