Головкин тарихдаги энг яхши 10 та ўрта вазн тоифасидаги боксчи рўйхатига киритилди

NUR-SULTAN. Kazinform - Бутунжаҳон бокс кенгаши (WBC) ўзининг ижтимоий тармоқлардаги обуначиларига ўрта вазн тоифасидаги барча даврларнинг энг яхши ўн нафар боксчиси рейтингини тузишга таклиф қилди, дея хабар беради Kazinform Sports.kzга таяниб.

Номзодлар рўйхатидан ҳозирги WBА Super, IBF ва IBО чемпионлик унвонлари соҳиби Геннадий Головкин ҳам жой олди. Унга Шугар Рей Леонард, Марвин Хаглер, Жо Калзаге, Томас Хирнс, Роберто Дюран, Шугар Рей Робинсон, Бернард Хопкинс, кичик Рой Жонс ва Сауль «Канело» Альварес каби афсоналар ҳамроҳ бўлган.

«Уларнинг барчаси ўрта дивизионда жанг қилишган. Улардан ким энг яхшиси эди?», - деб сўради WBC.

Головкиндан ташқари барча номи тилга олинган боксчилардан фақат Канело рингда чиқишларини давом эттирмоқда. 17 сентябр куни у ва GGG учинчи марта рингга кўтарилишади, аммо иккинчи ўрта вазн чегарасида.

Аввалроқ DAZN стриминг платформаси Геннадий Головкин ва Сауль «Канело» Альвареснинг 17 сентябр куни бўлиб ўтадиган учинчи жанги бўйича бокс оқшомининг пуллик трансляцияси нархи ҳақида маълумотни эълон қилган эди.

Фото: sports.kz