Германияда CОVID-19 га қарши вакцинациядан бош тортган шифокорлар ишдан бўшатилади
18 Январь 09:31

Германияда CОVID-19 га қарши вакцинациядан бош тортган шифокорлар ишдан бўшатилади

NUR-SULTAN. Кazinform - Германия CОVID-19 га қарши вакцинациядан бош тортган шифокорларга қўйиладиган талабларни кучайтиради, деб хабар қилди COVID-19 тарқалишининг олдини олиш бўйича идоралараро комиссияси матбуот хизмати.

Германияда сертификатсиз тиббий амалиёт ходимлари ишдан бўшатилади. Ходимлар 15 мартгача эмлаш ҳужжати ёки CОVID-19 дан тузалганлик гувоҳномасини тақдим этишлари керак.

Бу нафақат тиббиёт ходимларига, балки фаррошлар, ошхона ходимлари ва хусусий тиббиёт муассасаларининг бошқа ходимларига ҳам тегишли. Уй шароитида тиббий ёрдам кўрсатадиган немис шифокорлари уюшмаси беморлар билан ишлашни тақиқлаши мумкинлиги ҳақида огоҳлантирди. Ходимлари эмлашдан бош тортган муассасалар 2500 еврогача жаримага тортилади.

Жонс Хопкинс институти маълумотларига кўра, пандемия бошлангандан бери дунё бўйлаб 328 миллиондан ортиқ одам ушбу вирусни юқтирган ва 5 миллион 539 минг 514 киши ушбу касалликдан вафот этган. АҚШ, Ҳиндистон ва Бразилия CОVID-19 билан касалланиш энг юқори бўлган давлатлар қаторига киради.

АҚШ касалланганлар ва ўлганлар сони бўйича дунёда етакчи бўлиб қолмоқда, 65 699 947 кишига COVID-19 ташхиси қўйилган. Ўлганлар сони 850 605 кишини ташкил этди. Иккинчи ўринда Ҳиндистон жойлашган бўлиб, у ерда CОVID-19 билан касалланганлар сони 37 380 253 нафарга, вафот этганлар сони 486 451 нафарга етди.Бразилияда 23 015 128 киши касалланган, улардан 621 327 нафари вафот этган.

Янгиликлар

Архив