Германия ҳукумати CОVID-19 га қарши мажбурий эмлашни амалга ошириш ниятида
3 Декабрь 11:15

Германия ҳукумати CОVID-19 га қарши мажбурий эмлашни амалга ошириш ниятида

BRUSSELS. Kazinform - Германия 2022 йилнинг февралигача CОVID-19 га қарши эмланмаган резидентларга қўйиладиган талабларни кучайтиради, дея хабар беради Кazinform мухбири.

«Тўртинчи тўлқинни тезда тўхтатиш керак», - деди Германия канцлери Aнгела Меркель пайшанба куни янги санитария чораларини эълон қилар экан. Германия ҳукумати яқин келажакда инфекциялар сони камайиши мумкинлигига умид қилмоқда.

Янги қоидаларга кўра, эмланмаган аҳолига дорихоналар ва озиқ-овқат супермаркетлари бундан мустасно, чакана савдо дўконларига кириш тақиқланади. Бундан ташқари, эмланмаган фуқароларнинг ижтимоий доираси сезиларли даражада «торайган» - оиладан ташқарида икки нафаргача одамни қабул қилишга рухсат берилади.

Шу билан бирга, ҳали эмланмаган Германия аҳолиси учун бар ва ресторанларга киришни чеклаб қўйган.

Германия расмийлари, шунингдек, Бундестаг 2022 йил февралигача мамлакатда мажбурий эмлашни жорий этиш имкониятини муҳокама қилишини тасдиқлади.

«Эмлаш талаби феврал ойида кучга кириши кераклиги сабабли, одамларда ҳали ҳам коронавирусга қарши эмлаш учун етарли вақт бор», - деди Меркель.

«Биз эмлашни ихтиёрий қилиш кифоя қилади деб умид қилгандик. Aммо эмлаш - пандемиядан чиқишнинг ягона йўли ва шунинг учун биз бу мажбурийми ёки йўқлигини ҳал қилишимиз керак «, - дея қўшимча қилди у.

Германияда ҳам сўнгги ҳафталарда қўшни Нидерландия ва Бельгияда бўлгани каби CОVID-19 билан касалланганлар сони тез ўсиб бормоқда.

Муаллиф: Aрнур Раҳимбеков

Янгиликлар

Архив