Германия Польшада энг яхши фильм деб топилган Қозоғистон фильми прокатга чиқарилди

ALMATY. Kazinform - Қозоғистонда режиссёр Фархат Шариповнинг «18 килогерц» фильми намойиш этилди, деб хабар беради Kazinform мухбири.

«18 килогерц» фильмининг жаҳон премьераси Варшава халқаро кинофестивалида бўлиб ўтди. Фильм ўша фестивальнинг бош мукофотига сазовор бўлди.

Кейинчалик картина Германиянинг Коттбус шаҳрида бўлиб ўтган 30-Халқаро кинофестивалда энг яхши фильм деб топилди.

Фильм Зара Есенаманнинг «Хардкор» асари асосида суратга олинган. Унда 90-йилларнинг охиридаги ўсмирлар ҳақида ҳикоя қилинади.

Фильм Алматида суратга олинган. Асосий ролларни биринчи марта катта фильмда дебют қилган ёш актёрлар - Мусахан Жумахан, Алибек Адикен, Камила Фун-Со ижро этишди.

«18 килогерц - бу катталар эшита олмайдиган товуш частотаси. Фильм ўспиринлар муаммоларига бағишланган. Биз улғайганимиз сари, ёшларнинг муаммоларини тушунишимиз қийинлашиб боради. Буни ушбу фильм орқали катталарга эслатишни хоҳладим«, - дейди Шарипов.

Муаллиф: Алма Муқанова