Германия, Франция ва Испанияда коронавирус юқтирганлар сони кўпаймоқда

LONDON. Kazinform – Якшанба куни дунёда коронавирус юқтирганлар сони 16 миллионга етди. Англия яна Испаниядан ташриф буюрувчилар учун икки ҳафталик карантин жорий этди, Германия ва Францияда бу инфекцияга чалинганлар кўпайган. Бу ҳақда Kazinform ВВСга асосланиб хабар беради.

Британия расмийлари вирусни юқтирганлар сонининг кўпайиши сабабли Испаниядан ташриф буюрувчиларга 14 кунлик карантин буюрди.

Июнь ойида Испанияда кунига 250 та коронавирус инфекциясини юқтириш ҳолати қайд этилган бўлса, шу ҳафтада кунига 1,5 мингта ҳолат қайд этилмоқда.

Бельгия ўз фуқароларига Испанияга боришни тақиқлаб қўйди.

Ушбу ҳафтада кўплаб Европа Иттифоқи мамлакатларида Covid-19 ҳолатлари кўпайди.

Шанба куни Францияда янги ҳолатлар сони икки кундан бери 1000 тага ошганлиги хабар қилинди.

Германияда, жума ва шанба кунлари, 815 ва 781 та ҳолат қайд этилган, бу май ойининг ўрталаридан бери энг юқори кўрсаткич. Германия Соғлиқни сақлаш вазирининг сўзларига кўра, касаллик тарқалиш даражаси юқори бўлган мамлакатлардан, шу жумладан АҚШ ва Бразилия, шунингдек, Туркиядан келганлар барча сайёҳлар учун мажбурий коронавирус текшируви жорий этилади.

Душанба куни Австрия ноқулай эпидемиологик шароитга эга мамлакатлардан ташриф буюрувчилар учун кириш қоидаларини кучайтирди. 32 та мамлакатдан ташриф буюрувчилар мамлакатга коронавирус учун ПЗР тести манфий натижани кўрсатган тақдирда киришлари мумкин.

Бельгия Миллий Хавфсизлик Кенгаши чекловларни олиб ташлашнинг бешинчи босқичини жорий қилишни кечиктиришга, шунингдек, мамлакатда касалланганлар сони ортиб бориши сабабли ниқоб кийиш режимини кучайтиришга қарор қилди.

Якшанба куни Эрон сўнгги 24 соат ичида 2 333 та янги коронавирус ҳолати ва 216 кишининг вафот этганини маълум қилди. Мамлакатда вафот этганларнинг жами сони 15,7 мингни ташкил этади.

Апрель ойида Эрон карантинни енгиллаштирди ва масжидлар ва савдо марказларини очди, аммо енди расмийлар оммавий тадбирларни яна чеклаб, одамларни жамоат транспортида ва жамоат жойларида ниқоб кийишга чақирмоқда.

Сўнгги уч кун ичида АҚШда янги инфекциялар сони ҳар 24 соатда 280 мингтага ошди. Дуниёдаги статистика шуни кўрсатадики, ҳар тўртта ҳолатдан биттаси АҚШда қайд этилган.

Жаҳон соғлиқни сақлаш ташкилоти (ЖССТ) дунёда коронавируснинг тарқалиши кучаймоқда деб огоҳлантирмоқда,.

Ҳиндистонда 1,3 миллионта ҳолат қайд этилган. Сўнгги икки кун ичида 100 мингта ҳолат аниқланди. Эпидемиологлар, шунингдек, пандемия кенг тарқалган АҚШ ва Бразилиядаги вазиятдан хавотирда. Пандемия Африкада ҳам тарқалмоқда. Масалан. Жанубий Африкада 420 мингдан ортиқ ҳолат қайд этилган.

Бундан ташқари, ЖССТ маълумотларига кўра, эпидемия бошлангандан бери 10 мингга яқин тиббиёт ходимлари коронавирус юқтирган.