Геннадий Головкин рақибини нокаут билан мағлуб этди ва 21-марта чемпионлик камарини ҳимоя қилди

NUR-SULTAN. Kazinform – Ўрта вазн тоифасида IBF/IBO версиялари бўйича жаҳон чемпиони Геннадий Головкин (40-1-1,35 КО) рақиби Камил Шереметани (21-0,5 КО) техник нокаут билан мағлуб этди, деб хабар беради Kazinform мухбири.

1 ва 2 раундларда Камил Геннадийнинг оғир зарбасидан йиқилиб тушди. Учинчи раундда Головкин секинлашиб, рақибига зарба беришга имкон бергандай туюлди.

Тўртинчи ва еттинчи раундларда польшалик боксчи оғир зарба олди ва ҳакам ҳисобни очди.

8 раунд бошланишидан олдин Камил Шеремета мураббийлари жангдан бош тортишди. Шундай қилиб, Геннадий Головкин навбатдаги ғалабани қўлга киритди ва 21-марта чемпионлик камарини ҳимоя қилди.