Гайанада мактаб ўқувчиси ётоқхона биносига ўт қўйишда гумон қилинмоқда

ASTANA. Kazinform - Полиция маълумотларига кўра, Гайанадаги мактаб ётоқхонасида 19 нафар боланинг ҳаётига зомин бўлган ёнғин, шу таълим муассасаси ўқувчиси томонидан уюштирилган бўлиши мумкин, дея хабар беради Kazinform Deutsche Welleга таяниб.

«Ўқувчи ётоқхона коменданти ва ўқитувчиси унинг уяли телефонини тортиб олганидан кейин ёнғинни уюштирганликда гумон қилинмоқда», - дейилади расмий хабарда.

Патологоанатомнинг хулосасига кўра, тутундан заҳарланиш ва куйишлар олти кишининг ўлимига сабаб бўлган. 13 кишининг жасади ДНК текшируви учун Гайана пойтахти Жоржатунга юборилди.

30 га яқин бола касалхонага ётқизилган.

Душанба куни президент Ирфаан Али уч кунлик миллий мотам эълон қилди. Маҳдий касалхонасидаги болаларни кўриб, қурбонларнинг ота-оналари билан ҳам учрашди.

Аноним ҳукумат манбасининг AFP агентлигига айтишича, бир қиз Маҳди тумани касалхонасида полиция қўриқлаши остида бўлган ва ўт қўйганини тан олган.

«Улар (ётоқхона ходимлари) қизнинг уяли телефонини олиб кетишган, шундан сўнг у бинода ёнғин чиқиши билан таҳдид қилган ва буни ҳамма эшитган», - деди манба.

Эслатиб ўтамиз, Маҳдия шаҳридаги ўрта мактаб ётоқхонасида ёнғин душанба куни ярим тундан кейин, болалар ухлаб ётган вақтда содир бўлган.

Ёнғин вақтида бинода 57 нафар талаба бўлган.

Гайана — Жанубий Американинг шимоли-шарқида, Венесуэла ва Суринам ўртасида жойлашган давлат.