Ғарбий Қозоғистонда чегарани ноқонуний кесиб ўтган Ўзбекистон фуқароси қидирилмоқда

ORAL. Kazinform – Ғарбий Қозоғистон вилоятида чегарани ноқонуний кесиб ўтган Ўзбекистон фуқароси қидирилмоқда, деб хабар беради Kazinform мухбири.

Қозоғистон Миллий хавфсизлик қўмитаси Чегара хизмати матбуот хизмати хабарига кўра, мазкур ҳолат юзасидан, Ўзбекистон Республикаси фуқароси Усмон Саиджалоловга нисбатан Қозоғистон Республикаси Жиноят кодексининг 392-моддаси 1-қисми (Қозоғистон Республикаси давлат чегарасини қасддан ноқонуний кесиб ўтиш) билан жиноий иш қўзғатилган.

У билан бирга 2016 йилдан ўғли ҳам бор.

«22 май куни У.Саиджалолов тергов ўтказиш учун Чегара хизмати бошқармасига чақирилган. Бироқ Ўзбекистон фуқароси келмай, номаълум йўналишда қочиб кетган. Унинг ўғли билан қаерда эканлиги ҳозирча номаълум.

Белгилари: бўйи 165-170 см, ўрта гавдали, сочи қора, эгнида қора куртка, кулранг жинси, қора кроссовка бўлган. Қозоғистон чегарасини ноқонуний, назорат-ўтказиш пунктидан ўтмасдан ёки қалбаки ҳужжат билан кесиб ўтган бўлиши мумкин», — дейилади хабарда.

Муаллиф: Елжан Ерали