Футбол бўйича жахон чемпионати: G гуруҳида иккинчи ўрин соҳиби аниқланади

ASTANA. Кazinform – Бугун Қатарда бўлиб ўтаётган футбол бўйича 2022 йилги жаҳон чемпионатининг G гуруҳида 3-тур ўйинлари бўлиб ўтади, деб хабар беради Kazinform мухбири.

Ушбу гуруҳда Бразилия терма жамоаси бир тур аввал плей-офф йўлланмаси тақдирини ҳал қилганди. Ҳар учала жамоада қолган иккинчи ўриндан умид бор.

Ушбу гуруҳдаги ўйинлар Астана вақти билан 01:00 да бўлиб ўтади.

Камерун ва Бразилия терма жамоалари ўртасидаги ўйин «Qazaqstan» телеканали орқали жонли эфирда намойиш этилади.

Ўйин Лусаил шаҳридаги 88 966 мухлисга мўлжалланган Лусаил Айконик стадионида бўлиб ўтади. Бош ҳакам америкалик Исмоил Элфат.

FIFА рейтингида Камерун 43-ўринда, Бразилия 1-ўринда.

Икки жамоа бунгача олти марта тўқнаш келишган. 2003 йилги Конфедерациялар кубогида Камерун юқорида тилга олинган рақибни 1:0 ҳисобида мағлуб этган. Қолганларида эса бразилияликлар устунлик қилишди.

Мухлислар ушбу гуруҳдан жой олган Сербия – Швейцария учрашувини «Qazsport» телеканали орқали тўғридан-тўғри томоша қилишлари мумкин.

Ўйин пойтахт Доҳа шаҳридаги 44089 мухлисга мўлжалланган «Стадион 974» стадионида бўлиб ўтади. Бош ҳакам - аргентиналик Фернандо Рапалини.

FIFА рейтингида Сербия 21, Швейцария 15-ўринни эгаллаб турибди.

Ҳар икки жамоа бунгача бир марта тўқнаш келишган. ЖЧ-2018 гуруҳ босқичида Швейцария 2:1 ҳисобида ғалаба қозонди.

Шунингдек, бугун, 2 декабр Астана вақти билан соат 21:00да H гуруҳида Гана ва Уругвай, Жанубий Корея ва Португалия терма жамоалари тўқнаш келишади.

Ҳозиргача 14 та жамоа плей-офф босқичига чиққан. Улар орасида Бразилия ва Португалия терма жамоалари ҳам бор. Қолган икки йўлланма соҳиби бугун аниқланади.