Футбол бўйича клублар ўртасидаги жаҳон чемпионати: «Реал Мадрид» финалга чиқди
Иккинчи йўлланма Испаниянинг «Реал Мадрид» клубига насиб этди. Испания клуби 8 феврал куни ярим финалда Мисрнинг «Ал-Аҳли» жамоасини ўрта йўлда қолдирди.
Ўйин давомида испан клубидан Винисиус Жуниор 42, Федерико Вальверде 46, Родриго 92, Серхио Аррибас 98-дақиқада гол уришди. «Ал-Аҳли» футболчиси Али Малул пенальтидан 65-дақиқада гол билан жавоб қайтарди.
Миср клуби дастлаб Янги Зеландиянинг «Окленд Сити» клубини 3:0 ҳисобида мағлуб этган бўлса, чорак финалда АҚШнинг «Сиэтл Саундерс» клубини 1:0 ҳисобида мағлуб этди.
«Реал Мадрид» эса турнирдаги илк ўйинини дарҳол ярим финалдан бошлади.
Энди «Реал Мадрид» 11 феврал куни финалда Саудия Арабистонининг «Ал-Ҳилол» жамоаси билан куч синашади. Бу клуб ярим финалда Бразилиянинг «Фламенго» клубини 3:2 ҳисобида мағлуб этди.
Турнирнинг 3-ўрин учун баҳси ва финали 11 февралга белгиланган.
Ушбу турнир 2000 йилдан бери мунтазам ўтказиб келинмоқда. Бунгача 11 та жамоа ғалаба қозонган. Улар орасида «Реал Мадрид» 2014, 2016, 2017, 2018 йилларда 4 марта чемпион бўлган.
Муаллиф: Адилжан Умбет
Фото: sports.ru