Футбол. 2030 йилги ЖЧ ўтказиш учун Жанубий Американинг тўртта давлати қўшма ариза топширди

NUR-SULTAN. Kazinform - Жанубий Американинг тўртта давлати 2030 йилда бўлиб ўтадиган юбилей жаҳон чемпионатини ўтказиш учун қўшма ариза топширди, дея хабар бермоқда Kazinform Еuronews телеканалига таяниб.

Уругвай, Аргентина, Парагвай ва Чили Juntos 2030 (Бирдам 2030) шиори остидаги ушбу жаҳон турнирига мезбонлик қилиш ҳуқуқига эга бўлишга умид қилмоқда.

Ариза бериш маросими 1930 йилда Уругвай ва Аргентина ўртасидаги биринчи жаҳон чемпионати финалига (4:2) мезбонлик қилган Монтевидеодаги «Cентенарио» стадионида бўлиб ўтди.

Аввалроқ, 2030 йилги жаҳон чемпионати учун қўшма аризаларни Испания ва Португалия, шунингдек, Болгария, Руминия, Греция ва Сербия топширганди.

ФИФА президенти Джанни Инфантино номзодлар қанча кўп бўлса, шунча яхши эканини айтди. У 2030 йилги турнир учун жой танлашни «тоза» ва «шаффоф» қилишга ваъда берди.

Видеодан олинган сурат