Франциянинг «Alstom» компанияси Қозоғистон ҳудудида хизмат кўрсатиш марказларини очмоқчи

30 Ноябрь, 09:47
Франциянинг «Alstom» компанияси Қозоғистон ҳудудида хизмат кўрсатиш марказларини очмоқчи

ASTANA. Kazinform – ҚР Президенти Қасим-Жомарт Тоқаев «Alstom» компанияси директорлар кенгаши раиси ва бош ижрочи директори Анри Пупар-Лафаржни қабул қилди, дея хабар беради Kazinform БОРТ№1 Telegram каналига таяниб.

Учрашувда Давлат раҳбарига компаниянинг инвестиция лойиҳалари ҳақида маълумот берилди.

«Alstom» компанияси яқин келажакда электровозлар ва ҳаракатланувчи таркиб ва ​​темир йўл инфратузилмаси учун ускуналар ишлаб чиқариш ва уларга хизмат кўрсатиш лойиҳаларини амалга ошириш учун 50 млн евро сармоя киритмоқчи. Астана ва Алмати шаҳарларида, шунингдек, Жамбил ва Туркистон вилоятларида хизмат кўрсатиш марказларини очиш режалаштирилган.

Шунингдек, Анри Пупар-Лафарж компания мазкур лойиҳаларни амалга ошириш жараёнида мингдан ортиқ маҳаллий мутахассисларни тайёрлашини маълум қилди.

Қозоғистон Республикаси Ҳукумати ва Alstom компанияси ўртасида темир йўл транспорти инфратузилмаси ва ҳаракатланувчи таркиби учун электровозлар ва ускуналар ишлаб чиқариш ҳамда уларга хизмат кўрсатиш бўйича лойиҳаларни амалга ошириш бўйича келишув имзоланди.

Эслатиб ўтамиз, куни кеча, 29 ноябр куни Давлат раҳбари Қасим-Жомарт Тоқаев расмий ташриф билан Францияга борди. Президентни Елисей саройида Франция президенти Эммануэль Макрон кутиб олди.

Давлат раҳбари Эммануэль Макронни Қозоғистонга ташриф буюришга таклиф қилди.

Қасим-Жомарт Тоқаев Франция халқаро муносабатлар институти президенти Тьерри де Монбриаль ва Франция Сенати раиси Жерар Ларше билан учрашди.

Ўхшаш янгиликлар

Янгиликлар