Франциядаги 1 май намойишларига юз минглаб одамлар чиқди

PARIS. Кazinform – Францияда юз минглаб одамлар пенсия ислоҳотига қарши норозилик билдириш учун «1 май» намойишига чиқди, дея хабар беради Кazinform Еuronewsга таяниб.

Францияда меҳнат куни муносабати билан пенсия ислоҳотига қарши намойишлар чоғида 100 дан ортиқ полициячи ва жандарм яраланди.

Ички ишлар вазири Жеральд Дарманеннинг сўзларига кўра, Парижда ҳуқуқ-тартибот идораларининг 20 нафар ходими яраланган. Мамлакат бўйлаб 300 га яқин намойишчи ҳибсга олинган.

Ички ишлар вазирлиги маълумотларига кўра, Франциядаги намойишларда жами 800 мингга яқин одам қатнашган. Ташкилотчилар бу рақамни анча юқори - 2 миллиондан ортиқ ва барча халқ намойишни деб ҳисоблашади.

Пенсия ёшини 62 ёшдан 64 ёшгача ошириш ва бир қатор махсус пенсия режимларини бекор қилишни назарда тутувчи пенсия ислоҳоти қонуни кузда кучга кириши кутилмоқда.

Ҳукумат томонидан парламентда овоз беришсиз кўтарилган ташаббус бутун мамлакат бўйлаб норозилик ва иш ташлашларга сабаб бўлди.

«Биз рози эмаслигимизни айтиш, бу ҳақда гапиришни давом эттириш, буни такрорлаш муҳим», – деди намойишчилардан бири.

«Пенсияга чиққунга қадар мен таслим бўлмайман!» – деди парижлик намойишчи.

«Бу ҳақиқатан ҳам оммабоп бўлмаган ислоҳот ва улар буни куч билан амалга оширишди. Бу демократия ва француз халқини ҳақорат қилишдир. Ҳукуматнинг бизга бўлган муносабатидан ҳамма тўйган», – дея қўшимча қилди бошқа намойишчилар.

Касаба уюшмалари жорий 1 май намойишларини тарихий деб аташмоқда ва халқнинг ғазаби пенсия ислоҳотидан ташқарида эканлигини, бу сиёсий ҳокимиятга ишонч йўқлигидан далолат бераётганини айтишмоқда.