Францияда пенсия ислоҳотига қарши намойишларда миллиондан ортиқ киши қатнашди

PARIS. Kazinform - Францияда ҳукуматнинг пенсия ёшини 62 ёшдан 64 ёшга кўтариш тўғрисидаги қарори туфайли юзага келган инқироз давом этмоқда. Пайшанба куни бутун мамлакат бўйлаб миллиондан ортиқ одам пенсия ислоҳотига қарши намойишларда иштирок этди. Парижда, Ички ишлар вазирлиги маълумотларига кўра, юз мингдан ортиқ намойишчи кўчаларга чиқди, полиция билан тўқнашувлар бошланди. Бордода мэриянинг эшиги ёндирилди. Бу ҳақда Kazinform BBC таяниб хабар беради.

Бутун мамлакат бўйлаб тартибсизликларга алоқадорликда гумон қилинган 80 киши ҳибсга олинган, улардан 33 нафари Парижда.

Франция президенти Эммануэль Макрон мутлақо зарур деб ҳисоблаган ислоҳотга қарши намойишларнинг тўққизинчи кунидир. У январ ойида кўриб чиқиш учун таклиф қилинган ва ўтган ҳафта мамлакат раҳбари уни парламент овозисиз маъқуллаган ва бу инқирозни янада кучайтирган.

Душанба куни ҳукумат атиги етти овоз билан парламентга ишончсизлик вотумини қабул қилди.

Франциянинг асосий касаба уюшмаси – Умумий меҳнат конфедерацияси(CGT), маълумотларига кўра, пайшанба куни Париж кўчаларида 800 мингга яқин одам тўпланган. Шу билан бирга, полиция намойишчилар сонини бир неча баравар кам - 119 минг киши деб ҳисоблаган.

Парижнинг айрим ҳудудларида тартибсизликлар бошланди. Намойишчиларнинг кичик гуруҳлари полицияга тош ва пиротехника отишди, улар кўздан ёш оқизувчи газ билан жавоб берди.

Пойтахтдаги кортежнинг якуний нуқтаси шаҳар марказидаги Опера майдони бўлди.

Худди шундай намойишлар Франциянинг бошқа шаҳарларида ҳам бўлиб ўтди. Мамлакат ғарбидаги Нант шаҳрида ҳам намойишчилар полициячиларга қарата қаттиқ буюмлар отиб, ахлат қутиларини ёндиришга киришгач, полиция кўздан ёш оқизувчи газ ишлатган.

Яқин атрофдаги Ренн шаҳрида сув тўплари ишлатилган.

Ниццеда намойишчилар аэропорт биносига бориб, у ерни қамал қилишди.

Қайд этилишича, Бордо мэриясининг эшикларини ёндиришган. Уларни ким ва қандай ёқиб юборгани ҳозирча номаълум. Ўт ўчирувчилар тезда ёнғинни ўчиришди.

Касаба уюшмалари норозилик намойишларини муваффақиятли деб атамоқда, чунки мамлакат аҳолиси президент Макрон ва ҳукуматга ўз ҳис-туйғуларини билдиришга муваффақ бўлди. Улар одамларни 28 апрель сешанба куни яна кўчага чиқишга чақирмоқда.

Эслатиб ўтамиз, Францияда пенсия ислоҳоти бўйича вазият янада мураккаблашгани ҳақида хабар берган эдик.

Фото: REUTERS