Валюталар курси:
    usd/kzt 433.3 eur/kzt 464.19

    rub/kzt 6.48 cny/kzt 64.56
Об-ҳаво маълумотлари:
Нур-Султон : 1 °С
Алматы: 15 °С

Францияда коронавирус бўйича антирекорд: Ҳар сонияда икки киши инфекция юқтирмоқда

30 Декабрь 10:58

NUR-SULTAN. Кazinform - Европа Иттифоқида коронавирус рекорди янгиланмоқда. Францияда сўнгги 24 соат ичида 208 минг вирус юқтириш ҳолати қайд этилган ва экспертлар январ ойи бошида бу рақам 250 мингга етишидан хавотирда. Бундан ташқари, Дания ва Португалияда касалланишлар сони кескин ошди, дея хабар беради Кazinform Euronewsга таяниб.

Жаҳон соғлиқни сақлаш ташкилоти келаси йилнинг ўрталарига қадар дунё мамлакатларининг 70 фоизини эмлашни таъминлаш устида ишламоқда.

Уни ташкилот бош директори Тедрос Аданом Гебрейесус таклиф қилади.

«Омикрон кўпроқ юқумли бўлишига қарамай, унинг дельта билан биргаликда тарқалаётгани хавотир уйғотади. Оқибатда тиббиёт ходимлари ва соғлиқни сақлаш тизими зиммасига оғир юк тушмоқда», - деди у.

Германия Соғлиқни сақлаш вазири Карл Лутербахнинг сўзларига кўра, ҳозирча барча ҳолатлар аниқланмаган ва аслида вирусни юқтирганлар сони маълумотлардан анча кўп.

«Аслида, касалланиш икки-уч баравар юқори. Шу билан бирга, вируснинг омикрон штамми билан касалланиш ҳолатлари кўпайиб бормоқда, бу жуда хавотирли», — деди вазир.

Грецияда январ ойида режалаштирилган янги чоралар муддатидан олдин жорий этилмоқда, чунки сешанба куни мамлакатда 21,000 та ҳолат қайд этилган.

Бу аввалги кунга қараганда икки баравар кўп.

Испанияда касалланганлар сони кескин ошиб, бир кунда 100 000 киши касалланган.

Бироқ расмийлар ишчилар етишмаслигини ҳисобга олиб, изоляция муддатини ўн кундан етти кунга қисқартирди.


Новости по теме
Ўхшаш янгиликлар