Франция парламенти ҳукуматга нисбатан партиялараро ишончсизлик вотумини қабул қила олмади

None
ASTANА. Кazinform – Франция парламенти ҳукуматга нисбатан партиялараро ишончсизлик вотумини қабул қила олмади. Мазкур баёнот учун 278 депутат овоз берган бўлса, уни қабул қилиш учун 287 та овоз керак, деб хадбар беради Кazinform Euronewsга таяниб.

Ўтган йилдан бери Францияда пенсия ёши ўзгаришига қарши оммавий норозилик намойишлари бўлиб ўтмоқда. Халқнинг энг узоқ давом этган норозилигига қарамай, пенсия ислоҳоти жорий йилнинг 16 мартида қабул қилинди.

Бош вазир Элизабет Борн фавқулодда қонунчиликни парламентни четлаб ўтишга имкон берувчи конституциявий қоидадан фойдаланиш тўғрисидаги қароридан сўнг, турли фракция вакиллари ҳукумат истеъфосини талаб қилишди. Шу тариқа у пенсия ислоҳоти бўйича баҳсларга нуқта қўйди ва ўз мухолифларини парламент усуллари орқали баҳсли ташаббуснинг қабул қилинишига йўл қўймаслик имкониятидан маҳрум қилди.

Унга кўра, конституциянинг 49-моддаси 3-бандига мувофиқ, пенсия ёшини 62 ёшдан 64 ёшгача оширишни кўзда тутувчи қонун лойиҳасининг барча масъулиятини ҳукумат ўз зиммасига олади.

Euronews хабарига кўра, Миллий ассамблея олдидан навбатдаги ишончсизлик вотуми, бу сафар ўнг қанот Миллий ассамблея томонидан таклиф қилинган. Агар бу сўров ҳам рад этилса, демак, пенсия ислоҳотини бу босқичда тўхтатиб бўлмайди.

Сўл партиялар ислоҳотни бошқа йўллар билан тўсмоқчи. Миллий ассамблея спикери душанба куни коммунистларнинг пенсия қонунчилиги бўйича референдум ўтказиш тўғрисидаги илтимосини Конституциявий кенгаш кўриб чиқиши учун тақдим этганини маълум қилди. Плебисцит ўтказиш учун депутатлар ва сенаторларнинг камида 1/5 қисми, шунингдек, 5 миллионга яқин сайловчининг қўллаб-қувватлаши зарур.

Сўнгги хабарлар