Fitch агентлиги Қозоғистоннинг мустақил кредит рейтингини тасдиқлади

ASTANA. Kazinform – Fitch халқаро рейтинг агентлиги Қозоғистоннинг мустақил кредит рейтингини «BBB» даражасида тасдиқлади, прогноз «Барқарор», дея хабар беради Kazinform ҚР Миллий иқтисодиёт вазирлиги матбуот хизматига таяниб.

Мамлакат рейтингини қўллаб-қувватловчи асосий омиллар кучли фискал ва ташқи балансдир. Агентлик экспертларининг фикрича, улар ташқи зарбаларга барқарорлигини исботлаган. Шунингдек, йирик фискал буферлар соф ташқи кредитор мақомини сақлаб қолиш имконини берди.

Соф хорижий активлар бўйича Қозоғистон юқори мустақил позицияга эга бўлди, бу 2021 йил якунига кўра ЯИМнинг 37 фоизини ташкил этди.

Fitch ҳисоботида қайд этилганидек, Қозоғистон банк секторининг капитал фонди етарли даражада. 2022 йил 3-чорак ҳолатига кўра, муаммоли кредитлар нисбати 4,6 фоизни ташкил этди.

Мутахассисларнинг фикрича, миллий валютадаги депозитлар бўйича фоиз ставкаларининг юқорилиги ва бошқа қатор чора-тадбирлар депозитлардаги маблағларни тежаш имконини берди.

Яқинда асосий рейтинг омилларига ESG кўрсаткичлари қўшилди.

«Кредит берувчилар ҳуқуқлари» индикаторига кўра, давлат қарзининг 20 йилдан ортиқ вақт давомида қайта тузилишига йўл қўймаслик Қозоғистон Республикаси кредит портфелига ижобий таъсир кўрсатади», - дейилади Fitch ҳисоботида.