Филиппинда паромдаги ёнғин оқибатида 30 дан ортиқ киши ҳалок бўлди

МАNILА. Kazinform – Филиппин жанубидаги паромда тунда бошланган ва саккиз соат давом этган ёнғин оқибатида 250 нафар йўловчи ва экипаж аъзоларидан 31 нафари ҳалок бўлди, деб хабар беради Kazinform AP Newsга таяниб.

Ёнғиндан омон қолган 200 дан ортиқ одамнинг кўпчилиги паромдан сувга сакрашган. Уларни Соҳил хавфсизлик хизмати, денгиз флоти ва маҳаллий балиқчилар қутқариб қолган. 23 нафар йўловчи тан жароҳати олиб, шифохонага етказилган.

Жанубдаги Басилан орол провинцияси губернатори Жим Хатаманнинг сўзларига кўра, бугун эрталаб қутқарувчилар бедарак йўқолган 7 кишини ҳамон қидирмоқда. Унинг сўзларига кўра, ёниб кетган паром Басилан қирғоқга чиқариб олинган ва 31 қурбондан 18 нафарининг жасади кемадан топилган.

Шунингдек, у паромда рўйхатдаги тизимдан кўпроқ одамлар бўлиши мумкинлигини қўшимча қилди.

Воқеа содир бўлган тунда паром жанубдаги Замбоанга порт шаҳридан Сулу провинциясининг Жоло шаҳрига қараб кетаётган эди. Кема сиғими 430 кишини ташкил этади, ёнғин содир бўлган кечада кема бортида 205 йўловчи ва 35 экипаж аъзоси бўлган.

Ёнғин ҳақида ва бортда бўлган, бироқ йўловчилар рўйхатига киритилмаган шахслар бўйича суриштирув ишлари олиб борилмоқда.

1987 йил декабрь ойида Dona Paz кемаси ёқилғи ташувчи техника билан тўқнашиб, чўкиб кетди ва дунёдаги энг даҳшатли денгиз фалокатида 4300 дан ортиқ одам ҳалок бўлган эди.

Фото: АP