Фахрий Рим папаси Бенедикт ХVI жасади 5 январ куни дафн этилади

VATIKAN. ТАSS-Кazinform – Душанба куни Ватиканда шанба куни вафот этган Рим папаси Бенедикт ХVI билан видолашув маросими бошланади. 2013 йилда лавозимдан воз кечган ва фахрий Рим папаси унвонини олган собиқ понтификнинг жасади видолашув учун соат 09:00 дан (маҳаллий вақт билан 11:00) бошлаб Авлиё Пётр соборига олиб кетилади, дея хабар беради Kazinform ТАSSга таяниб.

Папанинг видолашуви уч кун давом этади, сўнгра 5 январ куни Рим-католик черковининг амалдаги раҳбари Францискнинг марҳум учун дуосидан сўнг дафн маросими бўлади.

Маълум бўлишича, Бенедикт ХVI тириклигида ўзи хоҳлаганидек, собор қурбонгоҳи остидаги скрипга дафн этилади.

Бенедикт ХVI 31 декабр куни 95 ёшида вафот этди. Манбаларнинг хабар беришича, 25 декабр куни фахрий папанинг соғлиғи тўсатдан ёмонлашган. 28 декабр куни жамоавий тингловчилар чоғида Франциск собиқ Рим папасининг оғир касал бўлганини эълон қилди ва у учун дуога чақирди.

Немис кардинали ва таниқли илоҳиётчиси Жозеф Ратзингер 2005 йилда ўзидан олдинги Иоанн Павел II вафотидан кейин Бенедикт ХVI исмини олди.

2013 йилда у 600 йил ичида лавозимдан воз кечган биринчи понтифик бўлди. Ўша пайтда 85 ёшда бўлган Бенедикт ўз қарорини Рим-католик черковига раҳбарлик қилишга кучи етмаслиги билан изоҳлаган. Сўнгги йилларда Бенедикт ХVI Ватикан ҳудудидаги собиқ монастир биносида Рим папаси сифатида яшаб келмоқда.

Якшанба куни Қозоғистон Президенти Қасим-Жомарт Тоқаев Рим папаси Франциск ва барча католикларга ҳамдардлик телеграммаси йўллади.

Фото: AP Photo/ Andreas Schaad