Европада коронавирус пандемияси яна авжига чиқди

LION. EURONEWS – Kazinform – Италияда бир кун ичида 1000дан ортиқ янги коронавирус инфекциясини юқтириш ҳоллари қайд этилди. Бу карантин чоралари кўрилганидан бери энг юқори кўрсаткичдир. Бундай статистика охирги марта Италияда май ойида қайд этилган, дея хабар беради Kazinform Euronewsга асосланиб.

Мутахассисларнинг фикрига кўра, бунга сабаб - таътил мавсуми. Ёзда дам олувчилар профилактик тадбирларга эътибор бермайдилар: кўпчилик кафелар ва ресторанларда, пляжда ниқоб кийиш қоидаларига амал қилмайди. Италия расмийлари, шунингдек, касаллик юқтирган одамларнинг ўртача ёши 60 ёшдан 30 ёшгача пасайганлигини аниқладилар.

Буюк Британиядаги ҳам вазият яхши эмас: ҳар куни 1200 кишида касаллик аниқланмоқда. Манчестер атрофидаги шаҳарларда махсус санитария режими жорий этилди.

Германияда оммавий тадбирларни ўтказишга рухсат берилган, аммо профилактика чораларига қатъий риоя қилиш талаб этилади.

Бироқ, кузги фестиваллар ўтказиладими ёки йўқми номаълум, чунки COVID-19 эпидемияси Германияда, шунингдек, Европа мамлакатларида яна авж олмоқда.