Европада коронавирус эпидемиясини батамом енгган илк давлат номи маълум бўлди

BRUSSEL. Kazinform - Словения ҳукумати пайшанба куни кечқурун ўз ҳудудида коронавирус эпидемиясининг тугаганини расман эълон қилди. Словения Европада бундай баёнот билан чиққан биринчи мамлакатдир, дея хабар беради Kazinform мухбири Reuters агентлигига таяниб.

Сўнгги икки ҳафта давомида ҳар куни мамлакатда коронавирус юқтиришнинг 7 тадан кам ҳолати аниқланди. Европа Иттифоқининг бошқа мамлакатларидан Словенияга келган одамлар апрель ойининг бошида бўлгани каби етти кун давомида карантинда ўтириши энди шарт эмас. Италия, Австрия, Венгрия ва Хорватия билан чегарадош, 2 миллион аҳолиси бўлган мамлакатда 1464 киши коронавирус юқтирган ва 103 киши вафот этган.

«Словения сўнгги икки ой ичида эпидемияни камайтиришга муваффақ бўлди... Бугун, Словенияда Европада энг яхши эпидемиологик вазият шаклланди», - деди мамлакат бош вазири Янез Янша.

Эпидемия тугаши сабабли коронавирус билан касалланган фуқаролар ва компанияларга кўрсатилган молиявий ёрдам май ойи охирида тугайди.

Ҳукумат коронавирус инфекциясининг аломатлари бўлган чет элликларнинг мамлакатга киришини тақиқлади.

Фуқаролар ҳали ҳам инфекция тарқалишининг олдини олиш учун асосий қоидаларга риоя қилишлари керак. Одамлар ёпиқ жамоат жойларида ниқоб тақиб юришлари, бир-бирларидан 1,5 метр масофада туришлари ва қўлларини доимий равишда дезинфекциялашлари керак.

Муаллиф: Тимур Дуйсекеев