Европа Кенгаши Қозоғистонни коррупцияга қарши давлатлар гуруҳига таклиф қилди
«Хорижга ноқонуний олиб кирилган маблағлар ва мулкларни қайтариш бўйича халқаро ҳамкорликни кучайтириш керак. Яқинда Европа Кенгаши Қозоғистонга Коррупция учун жиноий жавобгарлик тўғрисидаги Европа конвенциясига қўшилиш учун расмий таклифнома юборди. Энди биз конвенцияга қўшилиш учун керакли тартибларни бошлаймиз. «Ушбу конвенция хориждан коррупционерлар ва ўғирланган мол-мулкни қайтариш имкониятларини кенгайтиради», — деди «Антикор» раҳбари.
Унинг фикрича, Европа Кенгашининг коррупцияга қарши курашувчи давлатлар гуруҳига аъзо бўлиш мамлакат учун жуда муҳим қадамдир.
«Биз ГРЕКОнинг тўла ҳуқуқли иштирокчиси сифатида биринчи мониторинг раундлари доирасида бизга берилган 27 та тавсияни амалга оширмоқдамиз. Европа стандартларига жавоб бериш учун биз суд тизимининг тўлиқ мустақиллигини, тегишли жамоатчилик назоратини таъминлашимиз, маълумотлардан фойдаланиш имкониятларини кенгайтиришимиз, коррупцияга қарши кураш органи мақомини мустаҳкамлашимиз керак. Бу борадаги ишлар изчил давом эттирилмоқда», — деди агентлик раҳбари.