+7 (701) 759 90 19
USD 414.94 EUR 504.03
RUB 5.59 CNY 64.22
Янгиликлар

Европа Иттифоқи COVID-19 вакцинация паспортини жорий этишни кўриб чиқмоқда

17 Январь 15:54
Баҳам кўринг:
Европа Иттифоқи COVID-19 вакцинация паспортини жорий этишни кўриб чиқмоқда

BRUSSEL. Kazinform - Европа Комиссияси Президенти Урсула фон дер Ляйен Европа Иттифоқига аъзо барча давлатларда тан олинадиган эмлаш сертификатини жорий этиш таклифи билан чиқди, деб хабар беради Kazinform мухбири.

Ўхшаш янгиликлар
ЎР инновациялар вазирлиги: коронавирусига қарши Хитой-ўзбек вакцинаси самарадорлиги - 97% Қарағанди фармацевтика мажмуаси «Спутник V» вакцинасининг саноат партиясини чиқарди Коронавирус: Исроилда «яшил паспорт» берила бошлади

«Эмлаш тўғрисидаги гувоҳномага эга бўлиш ўта мухим», - деди У.Ляйен Португалия бош вазири Антониу Коста билан учрашувдан сўнг ўтказилган матбуот анжуманида.

«Бу тиббий эҳтиёж», - деди Европа Комиссияси раҳбари.

Шунга қарамай, Урсула фон дер Ляйеннинг сўзларига кўра, мунозарада бундай ҳужжатнинг киритилиши инсон ҳуқуқларига қай тарзда таъсир қилиши мумкинлиги муҳокама қилиниши керак.

Европа Иттифоқига аъзо баъзи давлатларда аллақачон бундай «эмлаш паспорти» дискриминация манбаи бўлиши мумкинлиги ҳақида айтилмоқда, чунки сертификат эгалари Европада бемалол саёҳат қилишлари мумкин, бошқа эмланиш навбатини кутаётганлар эса бундай ҳуқуққа эга бўлмайди.

Шу билан бирга, Иттифоқнинг айрим давлатлари ушбу лойиҳани туризмни тиклаш ва пандемия пайтида мамлакатлар ўртасида саёҳатчилар ҳаракатини енгиллаштириш мақсадида тарғиб қилмоқда.

«Одил мувозанатни топиш ҳар доим муҳимдир. Масалан, сертификатни эмлашга ҳали улгурмаганлар учун манфий натижали тест билан тенглаштириш мумкин», - деб таклиф қилди У.Ляйен Европа даражасида келишувларга чақириб.

21 январ куни Европа Иттифоқи ҳукумат раҳбарлари коронавирус инқирози ва эмлаш паспортини яратиш имкониятлари билан боғлиқ сўнгги воқеаларни муҳокама қилиш учун видеоконференция орқали учрашадилар.

Муаллиф: Арнур Рахимбеков


Баҳам кўринг:
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив