08:56, 06 Август 2021 | GMT +6
Эронда янги сайланган президентнинг инаугурацияси бўлиб ўтди
TEHRAN. IRNA-Kazinform - Эрон Ислом Республикасининг саккизинчи Президенти Иброҳим Раисийнинг инаугурация маросимига ҳарбий ва миллий амалдорлар, шунингдек, 115 мамлакатдан келган мартабали шахслар ва меҳмонлар ташриф буюрди, дея хабар беради Kazinform IRNAга таяниб.
Инаугурация маросимидан олдин 115 мамлакат ва халқаро ташкилот делегациялари Эрон Ислом Республикасининг янги Президенти Иброҳим Раисий билан Баҳеристон парламентида очиқ ҳавода суратга тушишди.
Парламент раиси Муҳаммад Багер Галибаф барча эронлик ва чет эллик меҳмонлар олдида нутқ сўзлади.
Парламент раисининг табригидан сўнг, Президент Иброҳим Раисий Суд раиси ва тадбирда ҳозир бўлган расмийлар олдида қасамёд қилди.
Президент Ислом Республикаси Конституцияси ва режимининг қўриқчиси бўлишга қасамёд қилди ва халқ муаммоларини ҳал қилиш учун бор кучини сарфлашга тайёрлигини билдирди.