Эркин кураш: Қозоғистон полвонлари Қирғизистонда олтита медални қўлга киритди

ASTANA. Kazinform – Қирғизистон пойтахти Бишкек шаҳрида кураш бўйича ўтказилган рейтинг турнирида қозоғистонлик полвонлар эркин кураш бўйича 1 та кумуш ва 5 та бронза медалини қўлга киритди, деб хабар беради Kazinform мухбири.

Бишкекда қирғизистонлик машҳур спортчилар Қожамқул Қабаули ва Ратбек Санатбаев шарафига рейтинг турнири ўтказилди.

Мусобақа давомида 70 кг вазн тоифасидаги терма жамоа аъзоларидан Сирбаз Талғат финалга етиб борди.

Шу билан бирга, Мейрамбек Қартбай (57 кг), Жигер Закиров (79 кг), Азамат Даулетбеков (86 кг) бронза медалини қўлга киритди.

Шунингдек, бунгача Нурсултан Азов 97 килограммгача бўлган эркин кураш баҳсларида кучли учликка якун ясади.

Эслатиб ўтамиз, аёллар курашида Марина Седнева (55 кг) ва Жамила Бақбергенова (72 кг) шоҳсупанинг энг юқори поғонасидан жой олган эди. Ирина Казюлина (65 кг) кумуш медални қўлга киритди.

Мамлакат кураш федерацияси маълумотларига кўра, йилига тўртта рейтинг турнири тасдиқланган. Шу пайтгача бундай мусобақалар Хорватия ва Мисрда ўтказилган бўлса, энди Қирғизистонда давом этди. Тўртинчиси июлда Венгрияда бўлиб ўтади. Курашчилар рейтинг турнирларида очко олади. Натижада сентябрда Сербияда бўлиб ўтадиган жаҳон чемпионатида энг кўп очко жамғарган полвонлар ярим финал ёки финалгача ўзаро тўқнаш келмайди.

Муаллиф: Адилжан Умбет