Энергетика вазири Қозоғистонда АЭС қуриш учун кўриб чиқилаётган технологияларни эълон қилди

NUR-SULTAN. Kazinform - Қозоғистон Республикаси Энергетика вазири Болат Ақшолақов вазирлик томонидан кўриб чиқилаётган АЭС қуриш технологик вариантларини маълум қилди, деб хабар беради Kazinform.

«Атом электр станцияси ҳақида қисқача. Аввалроқ биз мос технологияларни танлаш жараёни борлигини айтган эдик. Ҳеч бир технология ҳали танланмаган. Туркия, Франция, Жанубий Кореяга, БААга бордик. Режага кўра, венгер объектларини кўришимиз керак. Барча станциялар турли технологиялар ёрдамида қурилган. Масалан, Туркияда Россия технологияси, Росатом қўлланиган», — деди Болат Ақшолақов.

Унинг сўзларига кўра, аниқ танлов ҳали амалга оширилмаган.

«Биз барча ижобий ва салбий томонларини ҳисобга олишимиз керак. Бир нечта вариант мавжуд - ё давлатнинг ўзи қуради ёки технология лицензиарларининг қуришига имконият яратиб беради. Биз ҳали ҳам хавфсизлик ва сейсмик масалаларни ўрганишда давом этамиз», - дея хулоса қилди Энергетика вазири.

Фото: ortcom.kz