Энди Қозоғистонда кучли университетлар режали текширувлардан озод қилинади

NUR-SULTAN. Kazinform - Иш берувчилар рейтингида 1-3 ўринларни эгаллаган ва жаҳоннинг энг юқори рейтингларига киритилган олий ўқув юртларини режали текширишлардан озод қилиш режалаштирилмоқда. Бу ҳақда ҚР Таълим-маориф вазири Асхат Аймағамбетов Таълим ва фан вазири лавозимидаги фаолияти якунлари бўйича ҳисоботида маълум қилди, деб хабар беради Kazinform.

Шунингдек, у ўз фаолияти давомида қатъий ҳисобот бериш шакллари қисқартирилганини таъкидлади. Бакалавриатда ўқишнинг умумий муддати бекор қилинди, бу энди 240 ECTS-кредитини ишлаб чиқиш шарти билан ўқишни қисқа муддатда якунлаш имкониятини беради.

«Университетларга ўз дипломини бериш имконияти катта қадам бўлди, бу эса уларнинг кадрлар тайёрлаш сифати учун масъулиятини оширади. Дипломларни қалбакилаштиришдан ҳимоя қилиш учун имзо талаблари жорий этилди ва эндиликда QR-технологиясидан фойдаланган ҳолда ҳар бир иш берувчи дипломнинг ҳақиқийлигини веб-сайт орқали текшириши мумкин. Университетлар томонидан таълим дастурлари реестрига 15 мингдан ортиқ дастур киритилган, шундан 7 мингтаси янги», — деб ёзади у Facebook саҳифасида.