Елена Рибакина жаҳон рейтингининг ТОП-25 рўйхатига қайтди

NUR-SULTAN. Kazinform - Аёллар теннис ассоциацияси (WТА) ва Профессионал теннисчилар уюшмаси (ATP) дунёнинг энг яхши теннисчилари рейтингини янгилади, дея хабар бермоқда Kazinform Қозоғистон теннис федерацияси матбуот хизматига таяниб.

Қозоғистон терма жамоаси етакчиси Елена Рибакина ўтган ҳафтада икки поғона юқорилаб, 25-ўринга кўтарилди. Юлия Путинцева Торонтодаги турнирнинг чорак финалига чиқиши эвазига бирданига саккиз поғонага кўтарилди – у энди 38-ўринда. Зарина Дияс уч поғона юқорилаб, 241-ўринни банд этган бўлса, Гўзал Айнитдинова 584-ўринга кўтарилди.

Жуфтликлар рейтингида Қозоғистон вакилларидан энг яхшиси Анна Данилина аввалгидек 21-ўринда, Жибек Қуламбаева эса 258-ўринда бормоқда.

Қозоғистон эркаклар терма жамоаси етакчиси Александр Бублик бир поғона пастлаб, 42-ўринга жойлашди. Дмитрий Попко бир неча маротаба ўтиб кетди - энди у 219-ўринда. Михаил Кукушкин тўққиз поғонага кўтарилиб, 213-ўринга жойлашди. Тимофей Скатов 248-ўринда, Денис Эвсеев 263-ўринда, Бейбит Жукаев 403-ўринда.

Жуфтликлар рейтингида Қозоғистон вакиллари лидери Андрей Голубев уч поғона пастлаб, 47-ўринда бормоқда. Александр Недовесов эса аксинча, уч поғона юқорилаб, 54-ўринни эгаллади.

Фото: sports.kz