Елена Рибакина жаҳон рейтингида ТОП-5 теннисчилар қаторига кирди

ASTANA. Kazinform – Қозоғистоннинг биринчи ракеткаси биринчи марта жаҳон рейтингининг кучли беш нафар теннисчиси қаторига кирди, деб хабар беради Kazinform мухбири.

Қозоғистон теннис федерацияси хабар беришича, Е.Рибакина келаси душанба куни янгиланадиган рейтингда 6-ўриндан 5-ўринга кўтарилади.

Бу Қозоғистон тенниси тарихидаги рекорд бўлади.

Ҳозирда қозоғистонлик теннисчи WTA Livе рейтингида америкалик Кори Гауффдан ўзиб кетди. К.Гауфф Рим мастерс турнирида учинчи даврадан нарига ўта олмади. Шу боис у очко йўқотиб, олтинчи ўринга тушиб кетди.

Эслатиб ўтамиз, аввалроқ Елена Рибакина Рим мастерс турнирининг чорак финалига чиққани ҳақида хабар берган эдик.

Муаллиф: Ғайсағали Сейтақ