Елена Рибакина жаҳон рейтингида кучли учликка кирди

ASTANA. Kazinform – Қозоғистоннинг биринчи ракеткаси Елена Рибакина келаси душанба куни янгиланадиган жаҳон рейтингида кучли учликка киради, деб хабар беради Kazinform мухбири.

Қозоғистонлик теннисчи айни дамда WTA Live рейтингида 4-ўриндан 3-ўринга кўтарилди.

Ролан Гаррос турнири якунларига кўра, дунёнинг 7-ракеткаси, тунислик теннисчи Онс Жабер Е.Рибакина олдига тушиб олиши мумкин эди. Аммо чорак финалда у дунёнинг 14-ракеткаси, бразилиялик Беатрис Хаддад Майяга 6:3, 6:7 (5:7), 1:6 ҳисобида имкониятни бой берди.

Шу тариқа, Елена Рибакина Польша вакили Ига Швентек ва Беларусь вакили Арина Соболенкодан кейин учинчи ўринга кўтарилади.

Қозоғистон теннис федерацияси матбуот хизмати маълумотни тасдиқлади ва келаси душанба куни Е.Рибакина расман дунёнинг учинчи ракеткаси номини олишини маълум қилди.

Муаллиф: Ғайсағали Сейтақ