Елена Рибакина Ролан Гаррос турнирида иштирок этишини маълум қилди

ASTANA. Kazinform – Қозоғистоннинг биринчи ракеткаси Елена Рибакина Рим WТА 1000 турнири чемпиони бўлганидан сўнг ўз мухлисларига миннатдорчилик билдирди, деб хабар беради Kazinform мухбири.

Келаси душанба куни WТА рейтингида тўртинчи ўринга кўтарилган қозоғистонлик теннисчи Франция пойтахти Парижда бўлиб ўтадиган «Ролан Гаррос» мусобақасида иштирок этишга тайёрлигини маълум қилди.

Рим Мастерс финалида Е.Рибакина иккинчи сетда, рақиби украиналик Анжелина Калинина жароҳати сабаб мусобақани давом эттиришдан бош тортган кейин ғалаба қозонди.

«Ҳаммага салом. Бугунги ўйинни шундай якунлашни хоҳламадим. Умид қиламанки, Анжелина тезда тузалиб кетади ва Франция Очиқ чемпионатида қатнашади. Мени қўллаб-қувватлаган барчага ўз миннатдорчилигимни билдираман. Бу йил яна бир чемпионликни қўлга киритганимдан хурсандман. Парижда кўришгунча!», - деди Е.Рибакина.

Ролан Гаррос саралаш босқичи 22 май куни бошланади.

Бу ерда эркаклар ўртасида Қозоғистоннинг иккинчи, жаҳоннинг 144-ракеткаси Тимофей Скатов чиқиш қилади.

У саралашнинг чорак финалида дунё рейтингида 162-ўринни эгаллаб турган канадалик Габриэль Диалло билан куч синашади.

Эслатиб ўтамиз, аввалроқ Елена Рибакина Рим Мастерс турнирида чемпион бўлганини ёзган эдик.

Энди Елена Рибакина дунёнинг тўртинчи ракеткаси бўлди.

Муаллиф: Ғайсағали Сейтақ