Елена Рибакина Римда жаҳоннинг 1-ракеткасини мағлуб этиб, ярим финалга чиқди

ASTANA. Kazinform – Қозоғистоннинг биринчи ва дунёнинг 6-ракеткаси Елена Рибакина спорт фаолиятида илк бор Рим WТА 1000 турнирининг ярим финалига чиқди, деб хабар беради Kazinform мухбири.

Қозоғистонлик теннисчи чорак финалда дунёнинг 1-ракеткаси, Польша вакили Ига Швентекга қарши кортга чиқди. Шу пайтгача рақиблар уч марта тўқнаш келган бўлса, шулардан иккитасида жорий йилда Е. Рибакина ғалаба қозонди.

Биринчи ўйинда Ига Швентек 4:0 ҳисобида олдинга чиқиб ва пешқадамликни давом этди - 6:2.

Иккинчи сетда Ига 4:2 ҳисобида олдинда эди. Бироқ, Елена ҳисобни тенглаштирди. Кейин эса тай-брейкда олдинга чиқиб олди - 7:6 (7:3).

Учинчи, ҳал қилувчи ўйинда ҳисоб 2:2 бўлиб турганида Швентек жароҳати сабаб учрашувни давом эттиришдан бош тортди.

Икки соату 19 дақиқа давом этган баҳсда Рибакина 10 та эйс амалга оширди ва 1 та брейк-пойнтни ўтказиб юбормади. Рақиб 1 эйс, 3 брейк (10 та брейк-пойнт) билан ажралиб турди.

Шундай қилиб, Елена бу йил уч марта дунёнинг биринчи ракеткасини мағлуб этди.

Е. Рибакина финалга чиқиш учун дунёнинг 20-ракеткаси, латвиялик Елена Остапенко билан куч синашади. У чорак финалда испаниялик Паула Бадосани мағлуб этди - 6:2, 4:6, 6:3.

Эслатиб ўтамиз, аввалроқ Елена Рибакина Римда дунёнинг биринчи ракеткаси билан ўйнаши ҳақида хабар берган эдик.

Муаллиф: Ғайсағали Сейтақ