Елена Рибакина Остравадаги турнирнинг чорак финалига чиқди

ASTANA. Kazinform – Қозоғистонлик теннисчи Елена Рибакина (WТА рейтингида 26-ўрин) Острава (Чехия)даги турнирнинг 1/8 финалида беларуслик Александра Саснович (31-ўрин) билан ўйин ўтказди, дея хабар беради Kazinform Sports.kzга таяниб.

Рибакина уч сетда – 6:7, 6:4, 7:5 ҳисобида зафар қучди ва чорак финалга йўл олди.

Остравадаги турнирнинг соврин жамғармаси 757 900 долларни ташкил қилади.

Елена Рибакина ва Александра Саснович ўртасидаги шахсий учрашувларга келсак, қозоғистонлик теннисчи пешқадамликни мустаҳкамлади - 3:0. Улар аввалроқ 2021 йилда АҚШда - US Open ва Чикагодаги турнирда тўқнаш келишган ва Рибакина иккала ўйинда ҳам ғалаба қозонган (6:2, 6:3 ва 6:4, 6:4).

Фото: sports.kz