20:21, 27 Апрел 2023 | GMT +6
Елена Рибакина Мадриддаги турнирнинг жуфтлик баҳсларида илк ғалабага эришди
ASTANA. Kazinform – Қозоғистонлик теннисчи Елена Рибакина Испанияда бўлиб ўтаётган WTA Madrid Open турнирининг жуфтлик баҳсларида биринчи давра учрашувини ўтказди, дея хабар беради Kazinform Sports.kz сайтига таяниб.
Россиялик спортчи Анастасия Павлюченкова билан жуфтлик баҳс олиб борган Рибакина япониялик Сюко Аояма — Ена Шибахара билан ўйнади ва икки сетда умумий 6:0, 6:1 ҳисобида ғалабага эришди. Учрашув 50 дақиқа давом этди.
Қозоғистонлик теннисчи турнирнинг яккалик баҳсларининг иккинчи даврасида 28 апрель куни россиялик спортчи Анна Калинскаяга қарши кортга чиқади.
Фото: ktf.kz