Елена Рибакина қозоғистонлик ёш теннисчиларга 2,5 миллион тенгедан ҳадя қилди

ASTANА. Кazinform – Қозоғистонлик теннисчи, «Уимблдон-2022» чемпиони Елена Рибакина мамлакат ёш теннисчиларини қўллаб-қувватлади, дея хабар беради Kazinform Қозоғистон теннис федерациясига таяниб.

Елена Рибакина «Уимблдон-2022» ғалабасидан сўнг соврин жамғармасининг бир қисми маҳаллий ёш теннисчиларни қўллаб-қувватлашга йўналтирилишига ваъда берди.

Яқинда Елена Астанадаги «СтопОтлов» номли кўнгиллилар ҳаракати марказига пул хайрия қилди.

Эртаси куни эса чемпион қозоғистонлик ёш теннисчиларни қўллаб-қувватлади ва уларнинг келажакда энг яхши теннисчи бўлишга интилиши учун маблағ ажратди. Е.Рибакина ёш теннисчиларни шахсан танлаб олди ва натижада 14 нафар спортчи 2,5 млн тенгедан олди. Улар орасида Линара Бўлешева, Полина Барабанова, Амина Нурахан, Ариана Гогулина, Сатима Тўреген, Ева Каришева, Альбина Какенова, Аружан Аристанбекова, Дана Байдаулет, Инкар Дуйсебай, Айя Нупбай, Полина Слепцова, Сандуғаш Кенжебаева ва Зара Даркен бор.