Елбасы жамғармаси 850 минг кишига ёрдам берди

NUR-SULTAN. Kazinform – Елбасы жамғармаси 850 минг кишига ёрдам кўрсатди. Бу ҳақда Нурсултан Назарбаев номидаги жамғарма директори, Қозоғистон Ёшлар Конгресси Васийлик кенгаши раиси Дариға Назарбаева маълум қилди, деб хабар беради Kazinform мухбири.

«Бу форум видеоконференция форматида бўлиб ўтмоқда. Ҳеч қандай техник тараққиёт шахсан учрашиш ва қўл бериб кўриш бебаҳо имкониятга етарли эмас. Барчамиз бир-биримизни соғинамиз ва эпидемияни енгиб чиққанимиздан сўнг ҳаётимиз нормал ҳолатга қайтишига ишонамиз. Бу йил мамлакатимиз ва ҳар биримиз учун катта муаммолар йили бўлди. Пандемиянинг қуюқ булути одамларнинг соғлиғига зарар етказди, ҳаётларини олиб кетди ва дунёга хавф туғдирди», - деди Д. Назарбаева «Ёшлар янги вазиятда: ҳаракат босқичи» онлайн форумининг очилишида.

Шу билан бирга, Дариға Назарбаева вафот этганларга ҳамдардлик билдирди.

«Бу жуда шафқатсиз ва ўрнини босолмайдиган қайғу. Қолганларнинг ҳаммаси тикланиши мумкин. Барчамиз учун қийин бўлган пайтда одамларга самимий ёрдам бергани учун Қозоғистон Ёшлар Конгрессининг барча фаоллари ва кўнгиллиларига миннатдорчилик билдирмоқчиман. Бизнинг кўнгиллиларимиз Елбасы ташаббуси билан - #BIZBIRGEMIZ лойиҳасини муваффақиятли амалга ошириш учун кўп меҳнат қилдилар. Минглаб манзилларга озиқ-овқат, дори-дармон ва санитария ускуналари етказиб берди. Аввало, алоҳида эҳтиёжли одамларга, кўп болали оилаларга, ижтимоий муассасаларга етказилди.

Бу даврда, баҳорда, мамлакатнинг барча аҳолисининг бирлигини, барчамиз бирдам эканлигимизни ҳис қилиш жуда муҳим эди», - деди Дарига Нурсултанқизи.

Унинг сўзларига кўра, ушбу ишда жисмоний шахслар, жамоат ташкилотлари ва хусусий компаниялар иштирок этган.

«Елбасы жамғармаси ўзининг асосчиси номидан 850 минг кишига ёрдам кўрсатди. Қозоғистон сахий одамларга бой. Биз уларнинг сахийлиги ва меҳрибонлиги учун миннатдормиз. Бизнинг ажойиб ёшларимиз бор. Мен сиз билан фахрланаман!» -деди у.

Муаллиф: Марлан Жиембай