Дунёнинг биринчи ракеткаси Ига Швентек Астанага келади

ASTANА. Кazinform – 14-15 апрел кунлари пойтахтдаги Миллий теннис марказида Қозоғистон терма жамоаси «Билли Жин Кинг кубоги» жамоалар ўртасидаги жаҳон чемпионати саралаш босқичи доирасида Польша терма жамоасига қарши майдонга тушади. Бу ҳақда Kazinform Қозоғистон теннис федерацияси матбуот хизматига таяниб хабар беради.

Польша терма жамоаси таркибида кучли спортчилар бор. Жамоа сардори Давид Кельт Қозоғистонга қарши ўйин учун қуйидаги спортчиларни танлади: «Катта дубулға» турнирининг уч карра чемпиони Ига Швентек (WТА яккалик баҳсларида 1-ўрин), Магда Линетт (WТА яккалик баҳсларида 19-ўрин), Магдалена Фрехт (WТА яккаликлар рейтингида 105-ўрин), Алиция Росольская (WТА жуфтлик рейтингида 39-ўрин), Вероника Фальковская (WТА жуфтлик рейтингида 92-ўрин).

Польша 1992 йилда «Билли Жин Кинг кубоги»да яхши натижа кўрсатди. Ўшанда поляклар чорак финалга қадар етиб борганди.

Эслатиб ўтамиз, Елена Рибакина Индиан-Уэллс турнирининг ярим финалида дунёнинг 1-ракеткасини мағлуб этган эди.

Фото: ktf.kz