Дунёдаги энг кўп унвонга эга бўлган футболчи «Сан-Паулу» клубида ўйнашдан бош тортди

NUR-SULTAN. Kazinform - «Сан-Паулу» клубининг бразилиялик ҳимоячиси Дани Алвес маош қарзи туфайли клубда ўйнашдан бош тортди. Бу ҳақда Kazinform жамоанинг сайтига таяниб хабар беради.

Матбуот анжумани чоғида Сан-Паулу спорт директори Карлос Белмонте Алвеснинг жамоада ўйнаш нияти йўқлигини тасдиқлади. Бу ҳақда дунёнинг энг кўп унвонига эга бўлган футболчининг вакиллари маълум қилишди. Белмонтенинг айтишича, клуб расмийлари Алвес билан музокара ўтказишга уринишган, аммо у рад жавобини берган. «Шу туфайли биз Алвес энди биз учун ўйнамайди, деб қарор қилдик», - дея хулоса қилди у.

О Globo хабарига кўра, клуб Алвесга 2 миллион доллар тўлаши керак бўлади. Футболчи клубда 2019 йилдан бери ўйнайди.

Алвес - машҳур футболчи. Унинг 46 та унвони бор. Бразилиялик футболчининг фаолиятидаги энг муваффақиятли даври Барселона, Каталониядаги ўйинлар бўлди. «Кўк-анорранглилар» таркибида у 6 марта Испания чемпионати, 4 марта Испания кубоги, 4 марта мамлакат суперкубоги, 3 марта Чемпионлар лигаси ва УЕФА Суперкубоги, 3 марта клублар ўртасидаги Жаҳон чемпионатида ғолиб бўлган.

Алвеснинг Сан-Паулуга қайтишдан олдин, Европадаги охирги клуби «Пари Сен-Жермен» эди. Парижликлар орасида у олтита унвонни қўлга киритди.