Дунёда йўналишлари энг кўп аэропортлар номи эълон қилинди

ISTANBUL. Kazinform – Истанбул аэропорти дунёдаги «энг боғланган» аэропортлар орасида иккинчи ўринни эгаллади, деб хабар беради Kazinform мухбири.

Авиация саноатига оид маълумотларни қайта ишлаш ва таҳлил қилиш бўйича «Cirium» халқаро компанияси дунёдаги энг йирик аэропортлар фаолиятини сарҳисоб қилди.

Унинг маълумотларига кўра, Истанбул ҳаво аэропорти Франкфурт-Майн аэропортидан кейин иккинчи ўринда турадиган дунёнинг асосий аэропортлари рўйхатидан жой олган.

Дунёнинг энг «гавжум» аэропортига 330 та йўналишда парвозлар амалга оширилади. Туркия аэропорти ўз навбатида 309 та йўналишга эга. Кучли учликка Парижнинг Шарль-де-Голл аэропорти 308 та йўналишга парвозлар билан якун ясади.

Амстердамнинг Схипхол аэропорти тўртинчи ўринда. АҚШдаги Чикаго О’Хара аэропорти бешинчи, Даллас-Форт-Уэрт аэропорти эса олтинчи ўринда.

Шу билан бирга, Бирлашган Араб Амирликларининг Дубай халқаро аэропорти еттинчи ўринда. Саккизинчи ўринни Англия пойтахти Хитроу аэропорти эгаллади.

Тўққизинчи қаторда Римдаги Фьюмичино халқаро аэропорти жойлашган. Ўнта йирик ҳаво аэропортлари рейтинги Американинг Денвер аэропорти билан якунланади.

Муаллиф: Ақжигит Чуқубаев

Фото: avialiga.ua