Дунёда коронавирус: Бразилияда ўлим даражаси рекорд даражада
Жон Хопкинс университети маълумотларига кўра, дунёда 132,5 млн киши коронавирус билан касалланган, 2,8 миллиондан ортиғи вафот этган.
Жаҳондаги энг даҳшатли эпидемиологик ҳолат ҳозирги кунда Бразилияда кузатилмоқда, бу ерда ўтган бир кун давомида 4 мингдан ортиқ одам вафот этган. Бу бутун пандемиядаги рекорд даража.
Шифокорларнинг айтишича, кўплаб шифохоналарда одамлар ёрдам кутмасдан вафот этяпти. Ходимлар улгурмаяпти, шунингдек жойлар этарли эмас. Мамлакатдаги Covid-19 қурбонларининг умумий сони деярли 337 мингга етди, бу дунёда бўйича АҚШдан кейин иккинчи ўринда туради.
Бироқ, Бразилия Президенти Жаир Болсонару вирусни чеклаш ва бошқа ҳар қандай чораларга қарши чиқишда давом этмоқда. Унинг фикрига кўра, иқтисодиётга етказилган зарар мамлакатга пандемия зараридан ҳам ёмонроқ таъсир қилади. Болсонару шунингдек, маҳаллий ҳукумат томонидан бир нечта штатларда қўлланилган чеклов чораларини бекор қилишга ҳаракат қилмоқда.