Динлар ва халқлар ўртасидаги тинчлик ва ишончни мустаҳкамлашга эътибор қаратамиз – Тоқаев

NUR-SULTAN. Кazinform – Динлар ва халқлар ўртасидаги тинчлик ва ишончни мустаҳкамлашга катта эътибор қаратамиз. Бу ҳақда пойтахтда бўлиб ўтган Жаҳон ва анъанавий динлар етакчиларининг VII съездининг ёпилиш маросимида Давлат раҳбари Қасим-Жомарт Тоқаев маълум қилди, дея хабар беради Kazinform мухбири.

«Бу съездда биз жуда муҳим ғоялар билан ўртоқлашдик, долзарб масалалар юзасидан жуда қизиқарли таклифлар ишлаб чиқдик. Биз, энг аввало, динлар ва халқлар ўртасида тинчлик ва ишончни мустаҳкамлашга катта эътибор қаратмоқдамиз. Биз бир томонлама равишда халқларни бегоналаштиришга, давлатчиликни бузишга ва халқаро муносабатларни бузишга хизмат қилаётган куч сиёсати ва зўравонлик тилини қораладик», — деди Қасим-Жомарт Тоқаев.

Давлат раҳбари таъкидлаганидек, бугунги кунда узоқ муддатли барқарорлик излашда саъй-ҳаракатлар ва маънавий қудратни бирлаштириш учун диннинг барча тинчлик салоҳиятидан тўғри фойдаланиш жуда муҳим.

«Барча динлар инсонпарварлик ғояларига, суверенитетнинг муҳимлигини тан олишга, инсон ҳаётининг қадрига етишга, тинчлик ва бунёдкорликка интилишга асосланади. Умуман олганда, бу фундаментал тамойиллар нафақат маънавий соҳада, балки турли давлатларнинг ижтимоий-иқтисодий ривожланишида, халқаро сиёсатда ҳам ўз ифодасини топиши керак», — деди Қозоғистон Республикаси Президенти.

Муаллиф: Марлан Жиембай