Декабр ойи бошида Қозоғистонда 30 даража совуқ бўлиши кутилмоқда

ASTANA. Kazinform - 1-3 декабр кунлари навбатдаги антициклон келиши билан Қозоғистоннинг аксарият ҳудудларида ҳаво ҳароратининг пасайиши кутилмоқда, дея хабар бермоқда Kazinform «Қазидромет» РДКга таяниб.

Ғарб, шимоли-ғарб ва шимолда ёғингарчилик бўлмайди. Марказда, мамлакат жануби ва жануби-шарқида жанубий циклон ўз таъсирини сақлаб қолади, шунингдек, ёғингарчилик, асосан, қор кўринишида бўлади.

1 декабр куни жанубий ва жануби-шарқий тоғли ҳудудларда, 2 декабрда атмосфера фронтларининг ўтиши билан шарқда кучли қор ёғиши кутилмоқда.

Ҳаво ҳароратининг пасайиши: кечаси республика ғарбида 5-18 даражагача, шимоли-ғарбда 14-30 даражагача, шимолий ҳудудларда 22-32 даражагача, республика марказида 13-30 даражагача, шарқда 22-37 гача, жанубда 8-17 гача, жануби-шарқда 8-28 гача совуқ бўлиши кутилмоқда.